Бракераждық комиссияны өткізу

Бөбекжайымызда күнделікті дайын тағамдардың сапасын бақылау мақсатында бракераждық комиссия жұмысы өткізілді. Комиссия құрамына балабақша әкімшілігімен қатар ата-аналар өкілдері де қатысты. Комиссия мүшелері ас мәзіріне сәйкес дайындалған тағамдардың сапасын, дәмдік қасиеттерін, дайындалу технологиясын және санитарлық-гигиеналық талаптарға сәйкестігін тексерді. Тексеру барысында тағамдардың сапалы әрі тұтынуға жарамды екендігі анықталды. Бракераждық бақылау қорытындысы арнайы журналға тіркелді.